alles goht vorbi


strophe:

Es kribblet i mim Buch
Ganz fescht so wie nonie
Tusigi vo Gfühu
Chöme ime ie
Ha ke Honger meh
Tue mi vo Gfühu ernähre
En komischi Sach
Cha mers ned erkläre
Sesch no ke Woche här
Woni di serschte mou ha gsechtet
Ha ned chöne schwiege
Has mim Härz berechtet
Ond prompt hets reagiert
Shet afoh schneller schlo
Wenn du nöch besch gsi
Oder zor tör besch inecho
Es esch alles guet
Superschön ond wonderbar
Mer händ üs megagärn
Ond nenne öis es Paar
Johre send vergange
E wonderschöni Zit
Der Wäg zor feschte Bendig
D’Ehe esch nöm wit
Doch of einisch chont sie här
Mer söue diskutiere
Met mer heigsis jetzt gseh
Wöu no anders usprobiere
Das trefft mech wie ne Schlag
S’cha doch gar ned si
Doch jetzt esch si gange 
Alles goht vorbi......

refrain:

alles goht vorbi
nüt blibt för emmer
alles goht vorbi
nüt blibt för emmer

strophe:

I cha mi dra erennere
S’chont mer vor wie geschter
Je länger dassi sänke
Es wird emmer feschter
Die beschti Zit im Läbe
Sie esch nöm exsischtänt
Esch jetzt da en Troum
Gsi ond hets nöme glängt ?
Förnes Happy -end
So wiemes lest imne Roman
Alli send glöcklech
Ond lege nand im Arm
Wieso chas denn ned so si ?
Hani was verbroche?
Oder het denn öper anders 
Der Autor vo mer beschtoche
I wotts eifach ned gloube
Dass döf doch gar ned si
Mis ganze schöne Läbe
Of ei Chlapf vorbi ?
A was hani jetzt no Freud ?
Sie esch alles för me gsi
De Drang zom Läbe esch verschwonde
Alles goht vorbi......


© 2003 overflow records - Romeo Basler - www.djroemer.ch