gäld


strophe:

Ich länge i mi Sack
Sueche s Portemonnaie
Doch döt esch nome Lähri
S`esch nüt me z`gseh
Es esch fort ond wäg
Das chani ned verstoh
Luege zo mim Gäld
Wörd`s nie lege loh.
Velech hets mer öper klaut
Mi nächscht Gedanke
Het mers eifach gno
Ohni sech z`bedanke
Wie het das chöne passiere
Jetz beni totau blank
Alli mini  Chärtli
Vo der Poscht ond voder Bank
I di nöchschti Zälle
Ab go schpeere
Mini einzigi Chance
Weni meh cha wehre
Gebe d`Nommere i
Doch es duet ned wähle
S`zeigt mer a
Dass Gäld duet fähle
Wott zom Parking us
Be vord`Schranke gfahre
Do faut mer i
Hät no müesse zahle
Was machi ohni Gäld
Tues jetz scho vermesse
Ohni Bars im Sack
Esch me voll ufgschmesse
Hesch nüt me z`säge
Wersch nöm akzeptiert
Dis ganze Läbe
Werd vo dem regiert.

strophe:

es geit oms Gäld oms Gäld - uohu
es geit oms Gäld oms Gäld - alles got oms Gäld
es geit oms Gäld oms Gäld - uohu
es geit oms Gäld oms Gäld - denn s`Gäld regiert d`Wält

strophe:

E riche Maa
Das esch die andri Site
Wär wets ned si
Das muesch jetz ned beschtritte
Finanziell kei Sorge
Du hesch alles dehei
Muesch nöm go schaffe
S`Gäld chont vonellei
För de gets kei Gränze
Du besch öberall derbi
Vorletschti Woche
Besch Ehregascht gsi
Im Club vo de Riche
Hesch zeigt wiemes mues mache
Die Arme send am schaffe
Do düe mer dröber lache
Honderti vo Lüüt
Zomne Lohn wo de ned chratzt
S`Gäld fliesst nome dri
Bes dis Portemannaie verplatzt
Du läbsch so wie no nie
Chasch wörkli alles ha
Vel nöis so züg entdecke
Besch emmer voredra
Egal met wäm
Oder wär di Gägner esch
Du leisch sie aui flach
Fägsch si regurächt vom Tesch
Wenn rich besch besch de Held
Es wend di aui gseh
Doch störz emou vom Ross
Ohni Gäld wärsch niemermeh

strophe:

es geit oms Gäld oms Gäld - uohu
es geit oms Gäld oms Gäld - alles got oms Gäld
es geit oms Gäld oms Gäld - uohu
es geit oms Gäld oms Gäld - denn s`Gäld regiert d`Wält


© 2003 overflow records - Romeo Basler - www.djroemer.ch